O MUNICIPIO NON FIGURA, POLO DE AGORA, NA RELACIÓN DE CONCELLOS GALEGOS QUE SE OFRECERON A ACOLLER PERSOAS PROCEDENTES DO BARCO AQUARIUS

O BNG pregunta ao goberno municipal se está previsto que Oleiros sexa concello acolledor de persoas refuxiadas

Fonte: Wikipedia
Fonte: Wikipedia

No marco do Día Mundial das Persoas Refuxiadas, celebrado este 20 de xuño en todo o planeta a instancias da ONU, o portavoz municipal do BNG de Oleiros, Fran Rei, vén de se dirixir por escrito á Concellaría de Cooperación do Concello de Oleiros, que dirixe Margarita Figueroa, para saber se o goberno municipal está a traballar nalgunha iniciativa que permita facer de Oleiros concello acolledor de persoas refuxiadas, ben no marco do Fondo Galego de Cooperación e Solidariedade, de cuxa comisión executiva é membro o noso municipio, ben a través da FEMP, da FEGAMP ou dalgunha outra estrutura.

O BNG pregunta ao goberno municipal se está previsto que Oleiros sexa concello acolledor de persoas refuxiadas

No marco do Día Mundial das Persoas Refuxiadas, celebrado este 20 de xuño en todo o planeta a instancias da ONU, o portavoz municipal do BNG de Oleiros, Fran Rei, vén de se dirixir por escrito á Concellaría de Cooperación do Concello de Oleiros, que dirixe Margarita Figueroa, para saber se o goberno municipal está a traballar nalgunha iniciativa que permita facer de Oleiros concello acolledor de persoas refuxiadas, ben no marco do Fondo Galego de Cooperación e Solidariedade, de cuxa comisión executiva é membro o noso municipio, ben a través da FEMP, da FEGAMP ou dalgunha outra estrutura.

A tráxica travesía do barco Aquarius en augas do Mediterráneo, a actitude fascista e xenófoba do novo goberno italiano e, finalmente, a decisión do novo goberno do Estado español de autorizar o desembarco no porto de Valencia volveu situar o foco da atención mediática e social no terríbel drama humanitario das millares de persoas que, as máis das veces sen éxito, tratan de chegar aos estados europeos occidentais fuxindo da miseria causada polas guerras e as violencias que están a destruír as súas nacións de orixe.

O desembarco das persoas que ían a bordo do Aquarius en Valencia motivou que a FEMP veña de activar unha rede de poboacións dispostas a acoller estas persoas refuxiadas. Así, coñeceuse nos últimos días que por volta dunha trintena de concellos galegos, xunto ás deputacións de Pontevedra e Lugo, xa se ofreceron a facer parte desta rede. Porén, nesa relación inicial non figura o Concello de Oleiros.

O BNG oleirense solicita no seu escrito información sobre os pasos que xa se estean a dar neste momento e convida, en todo caso, o goberno municipal a estudar “con toda a atención e rigor necesarios, á vez que con toda a sensibilidade e humanidade que Oleiros ten demostrado en tantas e tantas ocasións” de que forma o noso concello pode axudar,  no concreto, as persoas refuxiadas, garantíndolles o dereito a unha nova vida.

Para Fran Rei “non hai dúbida de que o Oleiros dos anos 80 ou 90 do pasado século, o que tanto contribuíu no seu día á creación do Fondo Galego de Cooperación e Solidariedade, estaría hoxe a liderar a resposta galega á traxedia das persoas refuxiadas.” Para o portavoz nacionalista: “cómpre moito recuperar aquela capacidade que había de xerar iniciativa e de ser vangarda en favor da paz, da non violencia, do desarme, da liberdade dos pobos. Estamos a tempo”.