Imprimir

O BNG de Oleiros propón deseñar para próximos anos unha programación municipal ampla, ambiciosa e diversa arredor do Día do Orgullo LGTBIQ+

bngoleiros | 05 de Xullo de 2018

Fonte: @ConcelloOleiros (Twitter oficial do Concello de Oleiros)
Fonte: @ConcelloOleiros (Twitter oficial do Concello de Oleiros)

O BNG de Oleiros alégrase de que o municipio por fin comece a dar pasos simbólicos para visibilizar o Día do Orgullo, data que conmemora a revolta homosexual no Village neoiorquino en 1969, logo de propostas nesa mesma dirección que, formuladas en lexislaturas anteriores, nunca foran atendidas. O Bloque anima, non obstante, o goberno municipal oleirense a dar “máis pasos adiante” e a comezar a traballar de cara a anos futuros nunha programación municipal LGTBIQ+ ambiciosa, diversa nas súas expresións e dirixida ao conxunto da veciñanza.

Na noite do pasado 28 de xuño, día en que en todo o planeta se conmemora o Día internacional da visibilidade lésbica, gai, bi, trans e intersexual ou Día do Orgullo, o Castelo de Santa Cruz foi iluminado, por segundo ano consecutivo, coas cores da diversidade LGTBIQ+. Ese mesmo día o pleno municipal aprobaba por vez primeira, co respaldo de todos os grupos, unha declaración institucional, promovida pola Federación Española de Municipios e Provincias (FEMP), en defensa dos dereitos dos colectivos non heteronormativos.

O BNG de Oleiros alégrase de que o municipio por fin comece a dar pasos simbólicos para visibilizar o Día do Orgullo, data que conmemora a revolta homosexual no Village neoiorquino en 1969, logo de propostas nesa mesma dirección que, formuladas en lexislaturas anteriores, nunca foran atendidas.

O Bloque anima, non obstante, o goberno municipal oleirense a dar “máis pasos adiante” e a comezar a traballar de cara a anos futuros nunha programación municipal LGTBIQ+ ambiciosa, diversa nas súas expresións e dirixida ao conxunto da veciñanza, ao xeito da que cada vez desenvolven máis concellos galegos. Orgullos de vilas como Lalín, Tomiño, Rianxo, Bueu, Sarria...ou experiencias non institucionais como o Festival Agrocuir de Monterroso, en defensa dun Orgullo no rural, están a demostrar que é posíbel desenvolver propostas deste tipo non só nas cidades.

O BNG de Oleiros valora moi positivamente o traballo formativo e informativo que se desenvolve, por exemplo, a través dos obradoiros municipais nos centros de ensino ao longo de todo o ano, nos cales se inclúen temáticas LGTBIQ+. Neste mesmo sentido, ao Bloque parécelle “especialmente interesante” aproveitar a presenza da Facultade de Ciencias do Deporte e a Educación Física no municipio para traballar conxuntamente en propostas dirixidas a combater os prexuízos de xénero ou a lgtbifobia no deporte.

Podes ver este artigo na próxima dirección /articulo/outras-novas/bng-oleiros-propon-desenar-proximos-anos-programacion-municipal-ampla-ambiciosa-diversa-arredor-do-dia-do-orgullo-lgtbiq/20180705162604000901.html


© 2018 BNG de Oleiros

Bloque Nacionalista Galego

Lar Espazo Aberto. 
Rúa Dolores Ibárruri nº6, baixo. 
Santa Cruz de Liáns
15179 Oleiros (GALIZA)
Teléfono: +34679721687 (Fran Rei, portavoz municipal)
Correo: bng.oleiros@gmail.com
Facebook: https://es-es.facebook.com/bng.oleiros
Twitter: https://twitter.com/BNGOleiros