pleno
Novas
1. Iván

O BNG optou por non levar ao pleno ningún asunto non urxente

O BNG de Oleiros fixo ver no pleno a súa postura en relación cos anuncios e temas non urxentes a uns días das eleccións, anunciando que non presentaría ningunha proposta «por respecto á veciñanza». Dado que o derradeiro pleno tivo lugar a tan só 3 días dunhas eleccións, no BNG de Oleiros consideramos ilóxico levar asuntos a un pleno que pode mudar absolutamente en cuestión de días. Entendemos que levar asuntos que non sexan urxentes ou que dependan da planificación ou de posicionamentos políticos é pouco respectuoso co proceso electoral que vai ter lugar esta mesma semana.

 

Por iso, tampouco Iván Roca quixo facer valoracións políticas en relación con asuntos como o «novo» auditorio de Bastiagueiro, que volve ser tema do pleno durante a propia campaña electoral. A única intervención de Roca neste asunto foi para indicar o noso rexeitamento a que se traten estes temas cando os partidos políticos estamos a demandar á cidadanía o seu apoio e non se trata dunha cuestión que requira atención inmediata.

 

O noso concelleiro e candidato á alcaldía para as eleccións do próximo domingo, Iván Roca, aproveitou para agradecer o traballo dos concelleiros e concelleiras que non se presentan a esta convocatoria.

Ler novas
Novas
316414102_511178991040481_3891563915721256639_n

O BNG de Oleiros presentará unha moción no vindeiro pleno instando á implantación dun Protocolo de actuación contra a violencia sexual machista no lecer nocturno e en eventos multitudinarios no concello

O Protocolo ten que proporcionar unha atención prioritaria á persoa agredida e un procedemento estandarizado para actuar en caso de agresión. Tamén deberá incluír a necesaria formación do persoal do lecer nocturno e a coordinación co SERGAS e coas forzas e corpos de seguridade.

Ler novas