santa-cruz
NOVAS
O BNG de Oleiros sobre o vertido de pintura ao río en Santa Cruz do luns pasado: “seguramente non haxa que ir moi lonxe da zona do Parque dos Patos para dar cos infractores”

O BNG de Oleiros sobre o vertido de pintura ao río en Santa Cruz do luns pasado: “seguramente non haxa que ir moi lonxe da zona do Parque dos Patos para dar cos infractores”

O luns pasado, a primeira hora da mañá, unha substancia branca tinxiu durante unhas dúas horas un treito das augas do río que atravesa o Parque Luís Seoane de Santa Cruz, a zona coñecida na localidade como “Parque dos Patos” por ser a zona de morada e descanso habitual destas aves. A veciñanza, alertada polo vertido, chamou ao 112, que deu aviso aos servizos da Xunta de Galiza. Ao día seguinte, o goberno municipal aclaraba que a substancia vertida era pintura, ao tempo que solicitaba a colaboración veciñal para dar coa persoa ou persoas infractoras.

Ler nova
OUTRAS NOVAS
O atropelo dun cativo no paso peonil da praza de Esther Pita evidencia os graves problemas de seguridade viaria que padece o centro de Santa Cruz

O atropelo dun cativo no paso peonil da praza de Esther Pita evidencia os graves problemas de seguridade viaria que padece o centro de Santa Cruz

Un neno resultou atropelado este domingo ao mediodía no paso peonil situado entre a praza de Esther Pita e o parque Luís Seoane, no centro da vila de Santa Cruz. Aínda que por sorte todo quedou nun susto, o acontecido pon en evidencia o serio problema de mobilidade que vive, moi agravado polas distintas obras que se están a levar a cabo nos últimos tempos, o centro desta localidade costeira, unha das máis poboadas de Oleiros.

Ler nova
CAMPAÑAS
Asemblea aberta en Santa Cruz

Asemblea aberta en Santa Cruz

Querémoste convidar á asemblea aberta que faremos este martes 2 a partir das oito da tarde no Lar Espazo Aberto de Santa Cruz: querémoste convidar a ti e ás túas ideas; aos teus soños; a ti e ás túas propostas; á túa capacidade creativa de imaxinar un concello para o futuro.

Ler nova
OUTRAS NOVAS
O BNG de Oleiros solicita a colectivos ecoloxistas o seu parecer sobre a chegada do lodo das obras de Xaz á baía de Santa Cruz

O BNG de Oleiros solicita a colectivos ecoloxistas o seu parecer sobre a chegada do lodo das obras de Xaz á baía de Santa Cruz

A inquietude crecente de veciñas e veciños de zonas de Dorneda e Santa Cruz pola presenza constante de lodo en grandes cantidades na auga dos regatos da contorna e no mar desde que se iniciaron en Xaz as obras previas á futura urbanización do ámbito, vén de levar ao BNG de Oleiros a se dirixir por escrito a catro colectivos ecoloxistas con presenza e forte raigame na comarca da Coruña, ADEGA, Verdegaia, Hábitat e Sociedade Galega de Historia Natural, para pedir a súa opinión e avaliación sobre os efectos que estes vertidos poderían ter para os ecosistemas fluviais e costeiro.

Ler nova
OUTRAS NOVAS
O BNG de Oleiros preguntará ao goberno municipal polos usos do Castelo de  Santa Cruz

O BNG de Oleiros preguntará ao goberno municipal polos usos do Castelo de Santa Cruz

O pasado sábado 7 de xullo á mañá tivo lugar no Castelo de Santa Cruz, sede do Centro de Extensión Universitaria e Divulgación Ambiental de Galiza (CEIDA), un evento de carácter privado totalmente alleo ás actividades divulgativas ou formativas que alí se desenvolven.

Tal celebración, segundo indicaba a decoración colocada na pasarela pola que se accede ao Castelo e segundo puido confirmar o BNG, estivo relacionada co casamento dunha parella. Un feito que sorprendeu á veciñanza de Santa Cruz, pois o Castelo non costuma cederse nin alugarse, dada a natureza das súas actividades, para ningún evento particular ou familiar. De estar contemplada esta posibilidade, sen dúbida moitas serían as parellas, de Oleiros e de fóra, que terían gustado de celebrar a súa voda neste tan emblemático lugar.

Ler nova