BNG de Oleiros :: Últimas novas - Outras novas

O BNG conseguiu onte o apoio do pleno municipal de Oleiros ás demandas laborais do persoal das auxiliares de R e das enfermeiras eventuais do SERGAS

BNG de Oleiros — Fri, 27 Sep 2019 15:31:57 +0200

O BNG de Oleiros solicitou onte á corporación municipal, a través de dúas mocións, o seu apoio ás reivindicacións laborais do persoal das empresas auxiliares de R e das enfermeiras eventuais do Servizo Galego de Saúde.

O BNG de Oleiros denuncia un novo vertido á lagoa de Mera e exixe unha urxente actuación sobre o bombeo próximo

BNG de Oleiros — Wed, 25 Sep 2019 16:43:05 +0200

A lagoa de Mera, un ecosistema pendente de ser declarado como espazo natural de interese local (ENIL) desde hai varios anos, zona de descanso de aves e de innegábel valor paisaxístico e ambiental, vén sufrindo nos últimos días un posíbel vertido de residuais procedentes da estación de bombeo próxima, segundo teñen detectado veciñas e veciños das vivendas próximas.

Conmemoración do Día da Galiza Mártir na parroquia de Nós

bngoleiros — Fri, 16 Aug 2019 12:41:47 +0200

A parroquia de Nós acollerá este vindeiro domingo 18 de agosto ás 20 horas, con motivo da conmemoración do Día da Galiza Mártir, un acto de homenaxe ás mulleres e aos homes que deron a súa vida pola liberdade e a democracia ou que, conservándoa, padeceron na súa pel o terror e a represión impostos polo fascismo logo do golpe de estado de xullo de 1936.

O BNG de Oleiros denuncia vertidos de restos de obras particulares en diferentes puntos do Monumento Natural da Costa de Dexo – Serantes

bngoleiros — Fri, 26 Jul 2019 14:11:49 +0200

Hai uns meses foi na contorna do Bosque dos Veciños e do Parque Metropolitano de Liáns ou tamén na fraga do Bañil, nas proximidades de Santa Cruz. Desta volta o BNG de Oleiros denuncia a presenza de vertedoiros incontrolados de restos de obras, pezas metálicas, plásticos e outros residuos en pleno corazón do Monumento Natural da Costa de Dexo – Serantes, un espazo natural protexido que fai parte da Rede Natura 2000.

O atropelo dun cativo no paso peonil da praza de Esther Pita evidencia os graves problemas de seguridade viaria que padece o centro de Santa Cruz

BNG de Oleiros — Tue, 7 May 2019 00:24:51 +0200

Un neno resultou atropelado este domingo ao mediodía no paso peonil situado entre a praza de Esther Pita e o parque Luís Seoane, no centro da vila de Santa Cruz. Aínda que por sorte todo quedou nun susto, o acontecido pon en evidencia o serio problema de mobilidade que vive, moi agravado polas distintas obras que se están a levar a cabo nos últimos tempos, o centro desta localidade costeira, unha das máis poboadas de Oleiros.

O BNG de Oleiros homenaxea a veciñanza que impulsou a construción da Casa do Pobo de Nós

bngoleiros — Fri, 11 Jan 2019 22:56:49 +0100

No acto de mañá participarán o portavoz municipal do BNG de Oleiros, Fran Rei, e o cantautor Miro Casabella, quen pola súa condición profesional de arquitecto técnico foi no seu día o autor do deseño da Praza da Liberdade, o fermoso espazo público que rodea a Casa do Pobo de Nós.

O BNG de Oleiros solicita a colectivos ecoloxistas o seu parecer sobre a chegada do lodo das obras de Xaz á baía de Santa Cruz

bngoleiros — Fri, 21 Dec 2018 19:11:36 +0100

A inquietude crecente de veciñas e veciños de zonas de Dorneda e Santa Cruz pola presenza constante de lodo en grandes cantidades na auga dos regatos da contorna e no mar desde que se iniciaron en Xaz as obras previas á futura urbanización do ámbito, vén de levar ao BNG de Oleiros a se dirixir por escrito a catro colectivos ecoloxistas con presenza e forte raigame na comarca da Coruña, ADEGA, Verdegaia, Hábitat e Sociedade Galega de Historia Natural, para pedir a súa opinión e avaliación sobre os efectos que estes vertidos poderían ter para os ecosistemas fluviais e costeiro.

Presentación "Meirás: un pazo, un caudillo, un espolio" e Lotaría de Nadal

bngoleiros — Mon, 12 Nov 2018 19:29:37 +0100

O acto celebrarase este xoves 15 de novembro no teatro das Torres de Santa Cruz ás 20:00 horas. Acompañando aos autores, participarán Iria Taibo (Vieiros) e Carlos Velasco (historiador e profesor da UDC).

Acto simbólico no embarcadoiro do parque do Seixo

bngoleiros — Mon, 24 Sep 2018 01:16:49 +0200

A madrugada do sábado fixéronse dúas semanas do grave accidente de Luís, veciño da parte cambresa do Graxal, no parque do Seixo mentres, como cada noite, paseaba o seu can. A escasa iluminación da zona, que non chega ao sendeiro do parque máis próximo á beira da ría e a ausencia de calquera medida protectora fixeron que se precipitase ao fondo dun dos vellos embarcadoiros da ría, os cales apodrecen no máis absoluto abandono.

O BNG solicitará acceder aos requirimentos enviados polo Concello de Oleiros á Demarcación de Costas para o amaño dos foxos do Parque do Seixo logo do grave accidente acontecido o pasado venres na zona

bngoleiros — Tue, 11 Sep 2018 17:35:21 +0200

Logo do grave accidente acontencido na madrugada do venres 7 ao sábado 8 de setembro no Parque do Seixo, na zona verde próxima ao límite municipal con Cambre, o BNG de Oleiros solicitará con carácter inmediato ao goberno municipal poder acceder ao expediente no que consten todos os requirimentos enviados nos últimos nove anos á Demarcación de Costas para o debido amaño dos antigos embarcadoiros da ría, hoxe abandonados e convertidos en simples foxos ou buratos cheos de lodos, vexetación e todo tipo de residuos.