pleno-municipal

O Pleno ordinario mensual é unha obriga legal dos concellos do tamaño do noso

Os Plenos non son un mero trámite administrativo, senón o órgano de representación da cidadanía, cuxo traballo, entre outros, é o de fiscalizar a acción do goberno

O BNG rexeita a demagoxia asociada ao cobramento das asistencias da oposición, que supón a astronómica cifra de 1.000 euros por pleno, que se poden contrapor a moitos gastos superfluos que fai o Concello de Oleiros. Un bo exemplo é a impresión e envío a toda a veciñanza do xornal Vivir en Oleiros, pagado con cartos de todos e todas e que Alternativa dos Veciños usa de xeito demagóxico, parcial e antidemocrático para atacar a oposición 

O BNG de Oleiros fixo ver no pleno a súa postura en relación cos anuncios e temas non urxentes a uns días das eleccións, anunciando que non presentaría ningunha proposta «por respecto á veciñanza». Dado que o derradeiro pleno tivo lugar a tan só 3 días dunhas eleccións, no BNG de Oleiros consideramos ilóxico levar asuntos a un pleno que pode mudar absolutamente en cuestión de días. Entendemos que levar asuntos que non sexan urxentes ou que dependan da planificación ou de posicionamentos políticos é pouco respectuoso co proceso electoral que vai ter lugar esta mesma semana.

Por iso, tampouco Iván Roca quixo facer valoracións políticas en relación con asuntos como o «novo» auditorio de Bastiagueiro, que volve ser tema do pleno durante a propia campaña electoral. A única intervención de Roca neste asunto foi para indicar o noso rexeitamento a que se traten estes temas cando os partidos políticos estamos a demandar á cidadanía o seu apoio e non se trata dunha cuestión que requira atención inmediata.

O noso concelleiro e candidato á alcaldía para as eleccións do próximo domingo, Iván Roca, aproveitou para agradecer o traballo dos concelleiros e concelleiras que non se presentan a esta convocatoria.

O BNG de Oleiros trasladará ao debate do proxecto de  orzamentos municipais no Pleno de hoxe diferentes propostas en materias como promoción e dinamización da economía local como alternativa para a creación de emprego, seguridade viaria e accesibilidade universal, igualdade, dereito á vivenda, protección do patrimonio e dos espazos naturais, benestar animal ou eficiencia enerxética e loita contra o cambio climático, entre outras.