Novas
Liáns
Outras novas
O atropelo dun cativo no paso peonil da praza de Esther Pita evidencia os graves problemas de seguridade viaria que padece o centro de Santa Cruz
07/maio/2019
Un neno resultou atropelado este domingo ao mediodía no paso peonil situado entre a praza de Esther Pita e o parque Luís Seoane, no centro da vila de Santa Cruz. Aínda que por sorte todo quedou nun susto, o acontecido pon en evidencia o serio problema de mobilidade que vive, moi agravado polas distintas obras que se están a levar a cabo nos últimos tempos, o centro desta localidade costeira, unha das máis poboadas de Oleiros.
Campañas
Asemblea aberta en Santa Cruz
01/abr./2019
Querémoste convidar á asemblea aberta que faremos este martes 2 a partir das oito da tarde no Lar Espazo Aberto de Santa Cruz: querémoste convidar a ti e ás túas ideas; aos teus soños; a ti e ás túas propostas; á túa capacidade creativa de imaxinar un concello para o futuro.
Outras novas
O BNG solicitará acceder aos requirimentos enviados polo Concello de Oleiros á Demarcación de Costas para o amaño dos foxos do Parque do Seixo logo do grave accidente acontecido o pasado venres na zona
11/set./2018
Logo do grave accidente acontencido na madrugada do venres 7 ao sábado 8 de setembro no Parque do Seixo, na zona verde próxima ao límite municipal con Cambre, o BNG de Oleiros solicitará con carácter inmediato ao goberno municipal poder acceder ao expediente no que consten todos os requirimentos enviados nos últimos nove anos á Demarcación de Costas para o debido amaño dos antigos embarcadoiros da ría, hoxe abandonados e convertidos en simples foxos ou buratos cheos de lodos, vexetación e todo tipo de residuos.
Destacadas
O BNG de Oleiros conmemora o Día da Galiza Mártir cunha homenaxe aos cesteiros xitanos soterrados no adro da igrexa de Liáns
16/ago./2018
Os catro artesáns, todos da mesma familia, foron asasinados por un comando fascista. Os corpos apareceron no quilómetro 2 da estrada que vai de Perillo a Oleiros. Dous dos cesteiros tiñan 14 e 16 anos.
Outras novas
O BNG de Oleiros preguntará ao goberno municipal polos usos do Castelo de Santa Cruz
16/xul./2018
O pasado sábado 7 de xullo á mañá tivo lugar no Castelo de Santa Cruz, sede do Centro de Extensión Universitaria e Divulgación Ambiental de Galiza (CEIDA), un evento de carácter privado totalmente alleo ás actividades divulgativas ou formativas que alí se desenvolven.
Tal celebración, segundo indicaba a decoración colocada na pasarela pola que se accede ao Castelo e segundo puido confirmar o BNG, estivo relacionada co casamento dunha parella. Un feito que sorprendeu á veciñanza de Santa Cruz, pois o Castelo non costuma cederse nin alugarse, dada a natureza das súas actividades, para ningún evento particular ou familiar. De estar contemplada esta posibilidade, sen dúbida moitas serían as parellas, de Oleiros e de fóra, que terían gustado de celebrar a súa voda neste tan emblemático lugar.
Outras novas
O BNG de Oleiros solicita medidas que melloren a seguridade viaria na zona de Franzomel, en Liáns
19/maio/2018
O BNG de Oleiros aproveitou a súa quenda de rogos no últimpo pleno municipal, celebrado o pasado 26 de abril, para alertar do “punto negro” para a seguridade viaria que supón a intersección das rúas Franzomel, da Xenza e Xardín de Gómez, na parroquia de Liáns, e demandar algún tipo de medida de mellora da visibilidade neste cruzamento.
