O BNG de Oleiros demanda á Xunta da Galiza que informe de xeito inmediato se existen as autorizacións preceptivas, medidas e controis técnico-patrimoniais e se apareceron restos humanos nas obras
Mercedes Queixas: «despois de 23 anos de gobernos do Partido popular, a costa de Dexo-Serantes continúa desprotexida»
Criticou que Patrimonio non concrete o prazo plan de xestión e utilice o período electoral para anunciar o plan integral do Monumento natural Costa Dexo-Serantes
Hai uns meses foi na contorna do Bosque dos Veciños e do Parque Metropolitano de Liáns ou tamén na fraga do Bañil, nas proximidades de Santa Cruz. Desta volta o BNG de Oleiros denuncia a presenza de vertedoiros incontrolados de restos de obras, pezas metálicas, plásticos e outros residuos en pleno corazón do Monumento Natural da Costa de Dexo – Serantes, un espazo natural protexido que fai parte da Rede Natura 2000.
Sucédense as agresións á biodiversidade e ao patrimonio no Monumento Natural da Costa de Dexo-Serantes, espazo protexido que fai parte da Rede Natura 2000.
O BNG, que comparte plenamente co goberno municipal a preocupación e indignación a raíz do acontecido, solicita consultar o expediente para saber con exactitude desde cando se tivo noticia do que estaba a acontecer nos montes de Dexo e tamén que actuacións concretas se teñen desenvolvido até a data de hoxe, en concreto que empresas foron identificadas como autoras das infraccións e se xa está en marcha algún procedemento sancionador contra elas, así como se foi presentada por parte do Concello, ou está previsto facelo, algún tipo de denuncia ambiental perante os organismos públicos correspondentes.
