O deputado do BNG lembra na súa interpelación parlamentaria que a tramitación xa estaba avanzada e que só falta por saber "cando comezarán unhas obras polas que se agarda desde hai máis de 15 anos". Para o BNG oleirense eliminar unha parte substancial do tráfico en superficie e humanizar a zona é fundamental para mellorar a mobilidade e a seguridade viaria, mais tamén a calidade de vida e o deseño urbano desa zona de Perillo.
Querendo emular cunha "versión de andar por casa" a célebre foto dos Beatles en Abbey Road, escollemos a avenida das Mariñas para comezar a campaña electoral por ser o epicentro os serios problemas de mobilidade que padece Oleiros e toda a área metropolitana.
O BNG de Oleiros desenvolveu esta mañá en Perillo e en Montrove unha "acción poética" simbólica para visibilizar nas rúas do municipio a obra de Rosalía de Castro.
O concelleiro do BNG en Oleiros Fran Rei presentou a través do rexistro municipal este pasado venres 22 de xuño un escrito solicitando ao goberno municipal acceder ao expediente completo das actuacións executadas até o momento en relación co peche do camiño público á altura do nº 30 da Rúa do Riveiro, na parroquia de Perillo, por un particular.
A veciñanza do bosque do Paraíso, en Perillo, vai facer unha concentración simbólica este mércores 27 de xuño ás 20:00 para denunciar a destrución do espazo natural onde viven.
O noso veciño e compañeiro do BNG Nacho Taibo será galardoado este vindeiro mes de xuño pola Asociación Escritoras-es Lingua Galega - AELG coa distinción de "escritor na súa terra". O IES Xosé Neira Vilas de Perillo, no que desenvolveu durante anos o seu labor docente, adiántase a esta celebración e organiza mañá xoves e pasado, venres, unha homenaxe.
Sucesivos temporais foron danando de maneira visíbel a cuberta da pérgola do Parque José Couso de Perillo, o espazo público situado no alto de Perillo xunto á urbanización da Rúa dos Cubelos e o IES Xosé Neira Vilas inaugurado en setembro de 2015 que constitúe, todo el, un espectacular miradoiro panorámico sobre o areal de Santa Cristina e a baía da Coruña.
É xa un lamentábel “clásico” que, cada certo tempo, o semáforo que regula o paso peonil na Avenida das Mariñas, na zona de Beiramar, se avaríe e a veciñanza da zona teña que arriscar literalmente a súa vida para cruzar a AC-12 na que é a única pasadeira habilitada nunha ampla zona na que residen unhas 4.000 persoas e hai un importante número de centros de traballo e negocios con venda ao público.
