A Reserva da Biosfera súmase á Xunta da Galiza recoñecendo o desleixo padecido pola Costa desprotexida de Dexo e denunciado polo BNG durante lustros, perante a desaparición total das Administracións nas súas obrigas.

As denuncias insistentes do BNG de Oleiros situaron o foco no abandono absoluto da Costa desprotexida de Dexo. As Administracións por “vergoña” e cun intolerábel atraso, comezan a mover ficha.

Ivan Roca, concelleiro do BNG en Oleiros pregúntase “ se a Reserva da Biosfera ten competencias para “restrinxir” ou “regular” os usos na Costa de Dexo. Até cando a Xunta seguirá co  abandono absoluto do Monumento Natural ou se o Concello de Oleiros se sumará á opinión unánime de abandono da Costa de Dexo ou seguirá autorizando actuacións na mesma con criterios propagandísticos e de mera publicidade”.

Á preguntas do BNG de Oleiros no pleno ordinario de setembro, o Concello de Oleiros recoñece que autorizou gravar, este verán, un anuncio publicitario na costa desprotexida de Dexo no que participaron con varias furgonetas, carpas, equipas pesadas, sets e mesmo un dron

Mercedes Queixas: «despois de 23 anos de gobernos do Partido popular, a costa de Dexo-Serantes continúa desprotexida»

Criticou que Patrimonio non concrete o prazo plan de xestión e utilice o período electoral para anunciar o plan integral do Monumento natural Costa Dexo-Serantes

O BNG de Oleiros demanda á Xunta da Galiza un informe ambiental e control exhaustivo do “IX Costa Trail de Oleiros”, que terá lugar no Monumento Natural da Costa (DES)protexida de Dexo o 26 de marzo, e información e acceso á hipotética autorización de Medio Ambiente.

As parlamentarias do BNG no Hórreo solicitan información urxente sobre a o devandito Trail, xa que a 20 días da presunta celebración do mesmo non se ten constancia oficial de ningún tipo. Requírese á Xunta a través de tres preguntas para que aclare todo o vencellado a este invasivo Trail que se pretende celebrar na Costa (DES)protexida de Dexo.