BNG de Oleiros

Unha nova pintada lgbtifóbica vén de aparecer en Oleiros. Desta volta no peirao de Santa Cruz, un espazo moi frecuentado pola xente nova desta e outras localidades do municipio como punto de encontro e de lecer, especialmente nas tardes e noites dos fins de semana.

Ao igual que o conxunto da veciñanza, no BNG coñecemos a través dos medios de comunicación a intención do goberno municipal da Alternativa dos Veciños de iniciar o proceso de municipalización do servizo de abastecemento da auga de Oleiros. Tamén a través dos medios foi como soubemos que o executivo local leva un ano estudando a opción da xestión directa fronte á da licitación mediante concurso público, como nun primeiro momento anunciaron que farían.